OCR Text |
Show <pn 194> DE BELLO GALLICO <N=XXX.>dimentorum. Qua ex fuga quum constaret, Drapetem Senonem (qui, vt primum defecerat Gallia, collectis vndique perditis hominibus, servis ad libertatem vocatis, exsulibus omnium civitatum accitis, receptis la- tronibus, impedimenta & commeatus Romanorum interceperat) non <N=5>amplius hominum v millibus ex fuga collectis, provinciam petere; vna- que consilium cum eo Luterium Cadurcum cepisse, 1 quem in superiore commentario, prima defectione Galliæ facere in Provinciam impetum voluisse, cognitum est; Caninius legatus cum legionibus II ad eos per- sequendos contendit, a ne de timore aut detrimento Provinciæ magna <N=XXXI.>infamia, perditorum hominum latrociniis, caperetur. C. Fabius cum reliquo exercitu in Carnutes, reliquasque proficiscitur civitates, quarum eo prælio, quod cum Dumnaco fecerat, copias esse accitas sciebat. Non enim dubitabat, quin recenti calamitate submissiores essent futuræ dato vero spatio ac tempore, eodem instante Dumnaco, possent concitari. <N=15>Qua in re summa felicitas celeritasque in recipiendis civitatibus Fabium consequitur. Nam Carnutes, qui sæpe vexati nunquam pacis fecerant mentionem, datis obsidibus, veniunt in deditionem; ceteræque civitates positæ in vltimis Galliæ finibus, Oceano conjunctæ, 2 quæ Armoricæ appellantur, auctoritate adductæ Carnutum, adventu Fabii legionumque <N=20>imperata sine mora faciunt. Dumnacus suis finibus expulsus, errans, la- <N=XXXII.>titansque, solus extremas Galliæ regiones petere coactus est. At Drapes, vnaque Luterius, quum legiones Caniniumque adesse cognoscerent, nec se sine certa pernicie, persequente exercitu, putarent Provinciæ fines in- trare posse; nec jam liberam vagandi latrocinandique facultatem habe- <N=25>rent, consistunt in agris Cadurcorum. Ibi quum Luterius apud suos cives quondam, integris rebus, multum potuisset, semperque auctor novorum consiliorum magnam apud barbaros auctoritatem haberet: 3 oppidum Vxellodunum, quod in clientela fuerat ejus, natura loci egregie muni- <N=XXXIII.>tum, occupat suis & Drapetis copiis, oppidanosque sibi conjungit. Quo <N=30>quum confestim C. Caninius venisset, animadverteretque omnes oppidi partes præruptissimis saxis esse munitas, quo, defendente nullo, tamen armatis adscendere esset difficile; magna autem impedimenta oppidano- rum videret: quæ si clandestina fuga subtrahere conarentur, effugere non modo equitatum, sed ne legiones quidem possent: tripartito cohortibus divisis, |