OCR Text |
Show <pn 116> DE BELLO GALLICO passuum XV, auxilia Germanorum exspectare constituunt. Labienus, ho- stium cognito consilio, sperans temeritate eorum fore aliquam dimicandi facultatem, V cohortium præsidio impedimentis relicto, cum XXV cohor- tibus magnoque equitatu contra hostem proficiscitur, & ∞ passuum in- <N=5>termisso spatio, castra communit. 1 Erat inter Labienum atque hostem difficili transitu flumen, ripisque præruptis. Hoc neque ipse transire ha- bebat in animo, neque hostes transituros existimabat. Augebatur auxi- liorum quotidie spes. Loquitur in concilio palam, quoniam Germani appropinquare dicuntur, a sese suas exercitusque fortunas in dubium non <N=10>devocaturum, & postero die prima luce castra moturum. Celeriter hæc ad hostes deferuntur, vt ex magno Gallorum equitatus numero nonnul- los Gallicis rebus favere natura cogebat. Labienus, noctu tribunis milit. 2 primisque ordinibus convocatis, quid sui consilii sit, proponit: & quo facilius hostibus timoris det suspicionem, majore strepitu & tumultu quam <N=15>populi Rom. fert consuetudo, castra moveri jubet. His rebus fugæ simi- lem profectionem efficit. Hæc quoque per exploratores ante lucem, in <N=VII.>tanta propinquitate castrorum, ad hostes deferuntur. Vix agmen no- vissimum extra munitiones processerat, quum Galli cohortati inter se, ne speratam prædam ex manibus dimitterent: longum esse, perterritis Ro- <N=20>manis, Germanorum auxilium exspectare: neque suam pati dignitatem, vt tantis copiis tam exiguam manum, præsertim fugientem atque impe- ditam adoriri non audeant: flumen transire, & iniquo loco prælium com- mittere non dubitant. Quæ fore suspicatus Labienus, vt omnes citra flu- men eliceret, eadem vsus simulatione itineris, placide progrediebatur. <N=25>Tum præmissis paullum impedimentis, atque in tumulo quodam collocatis; Habetis, inquit, milites, quam petistis facultatem: hostem impedito at- que iniquo loco tenetis: præstate eandem nobis ducibus virtutem, quam xsæpenumero Imperatori præstitistis: eum adesse, & hæc coram cernere, existimate. Simul signa ad hostem converti, aciemque dirigi jubet: & <N=30>3 paucis turmis præsidio ad impedimenta dimissis, reliquos equites ad la- tera disponit. Celeriter nostri clamore sublato, pila in hostes jaciunt. Illi vbi præter spem quos fugere credebant, infestis signis ad se ire viderunt, impetum modo ferre non potuerunt: ac primo concursu in fugam con- jecti, proximas silvas petiverunt: quos Labienus equitatu consectatus, <N=35>magno numero interfecto, compluribus captis, paucis post diebus civi- tatem |