OCR Text |
Show <pn 325> LIBER III. expeditum habebat. Accessit etiam improviso aliud incommodum; quod Domitius, qui dies complures castris Scipionis castra collata habuisset, rei frumentariæ caussa ab eo discesserat, & 1 Heracleam Senticam, quæ est subjecta Candaviæ, iter fecerat; vt ipsa fortuna illum objicere Pom- <N=5>peio videretur. Hæc ad id tempus Cæsar ignorabat. Simul a Pompeio litteris per omnes provincias civitatesque dimissis, de prælio ad Dyrrha- chium facto elatius inflatiusque multo, quam res erat gesta, fama per- crebuerat, pulsum fugere Cæsarem pene omnibus copiis amissis. Hæc itinera infesta reddiderant: hæc civitates nonnullas ab ejus amicitia aver- <N=10>terant. Quibus accidit rebus, vt, pluribus dimissi itineribus a Cæsare ad Domitium, & ab Domitio ad Cæsarem, nulla ratione iter conficere possent. Sed Allobroges Roscilli atque Ægi familiares, quos perfugisse ad Pompeium demonstravimus, conspicati in itinere exploratores Domi- tii, seu pristina sua consuetudine, quod vna in Gallia bella gesserant; seu <N=15>gloria elati, cuncta, vt erant acta, exposuerunt, & Cæsaris profectio- nem, & adventum Pompeii docuerunt. A quibus Domitius certior fa- ctus, vix IV horarum spatio antecedens, hostium beneficio periculum vitavit: & ad 2 Æginium, quod est objectum oppositumque Thessaliæ, <N=LXXX.>Cæsari venienti occurrit. Conjuncto exercitu, Cæsar 3 Gomphos per- <N=20>venit; quod est oppidum primum Thessaliæ venientibus ab Epiro: quæ gens paucis ante mensibus vltro ad Cæsarem legatos miserat, vt suis om- nibus facultatibus vteretur, præsidiumque ab eo militum petierat. Sed eo fama jam præcucurrerat, quam supra docuimus, de prælio Dyrrhachino, quod multis auxerat partibus. Itaque Androsthenes prætor Thessaliæ, <N=25>quum se victoriæ Pompeii comitem esse mallet, quam socium Cæsaris in rebus adversis, omnem ex agris multitudinem servorum ac liberorum in oppidum cogit, portasque præcludit, & ad Scipionem Pompeiumque nuntios mittit, vt sibi subsidio veniant: se confidere munitionibus op- pidi, si celeriter succurratur: longinquam oppugnationem sustinere non <N=30>posse. Scipio discessu exercituum a Dyrrhachio cognito, 4 Larissam legio- nes adduxerat. Pompeius nondum Thessaliæ appropinquabat. Cæsar ca- stris munitis scalas musculosque ad repentinam oppugnationem fieri, & crates parari jussit. Quibus rebus effectis, cohortatus milites, docuit quan- tum vsum haberet ad sublevandam omnium rerum inopiam, 5 potiri op- <N=35>pido pleno atque opulento: simul reliquis civitatibus vrbis hujus exem- plo |