OCR Text |
Show <pn 112> DE BELLO GALLICO communi omnes puberes armati convenire coguntur; & qui ex iis novissi- mus venit, in conspectu multitudinis omnibus cruciatibus affectus necatur. In eo concilio Cingetorigem alterius principem factionis, generum suum, quem supra demonstravimus Cæsaris secutum fidem ab eo non discessisse, <N=5>hostem judicandum curat, bonaque ejus publicat. His rebus confectis, in concilio pronuntiat, accersitum se a Senonibus & Carnutibus, aliisque compluribus Calliæ civitatibus: Huc iter facturum per fines Rhemorum, eorumque agros populaturum: ac prius quam id faciat, castra Labieni <N=LV.>oppugnaturum: quæque fieri velit, præcipit. Labienus quum & loci <N=10>natura, & manu munitissimis castris sese contineret, de suo ac legionis periculo nihil timebat: sed ne quam occasionem rei bene gerendæ dimit- teret, cogitabat. Itaque a Cingetorige atque ejus propinquis oratione In- dutiomari cognita quam in concilio habuerat, nuntios mittit ad finitimas civitates, equitesque vndique convocat. Iis certam diem conveniendi dicit. <N=15>Interim prope quotidie cum omni equitatu Indutiomarus sub castris ejus vagabatur, alias vt situm castrorum cognosceret, alias colloquendi aut ter- ritandi caussa: equites plerumque omnes tela intra vallum conjiciebant. Labienus suos intra munitiones continebat, timorisque opinionem quibus- <N=LVI.>cumque poterat rebus augebat. Quum majore in dies contemptione In- <N=20>dutiomarus ad castra accederet: nocte vna intromissis equitibus omnium finitimarum civitatum quos accersendos curaverat, tanta diligentia omnes suos custodiis intra castra continuit, vt nulla ratione ea res enuntiari, aut ad Treviros perferri posset. Interim ex consuetudine quotidiana Indutio- marus ad castra accedit, atque ibi magnam partem diei consumit. Equites <N=25>tela conjiciunt, & magna contumelia verborum nostros ad pugnam evo- cant. Nullo a nostris dato responso, vbi visum est, sub vesperum, dispersi ac dissipati discedunt. Subito Labienus duabus portis omnem equitatum emittit: præcipit atque interdicit, perterritis hostibus atque in fugam con- jectis, quod fore, sicut accidit, videbat, omnes vnum peterent Indutio- <N=30>marum, neu quis quemquam prius vulneraret, quam illum interfectum videret: quod mora reliquorum illum spatium nactum effugere nolebat: magna proponit iis qui occiderint præmia: summittit cohortes equitibus subsidio. Comprobat hominis consilium fortuna: & quum vnum omnes peterent, in ipso fluminis vado deprehensus Indutiomarus interficitur, ca- <N=35>putque ejus refertur in castra. Redeuntes equites, quos possunt, conse- ctantur atque occidunt. Hac re cognita, omnes Eburonum & Nervio- rum quæ convenerant copiæ, discedunt: paulloque habuit post id factum Cæsar quietiorem Galliam. LIBER |