OCR Text |
Show <pn 313> LIBER III. Cæsaris exercitus optima valetudine, summaque aquæ copia vtebatur; tum commeatus omni genere præter frumentum abundabat: quibus quotidie melius succedere tempus, majoremque spem maturitate frumentorum pro- <N=L.>poni videbant. In novo genere belli novæ ab vtrisque bellandi rationes <N=5>reperiebantur. Illi, quum animadvertissent ex ignibus, noctu cohortes nostras ad munitiones excubare, silentio adversi vniversas intra multitu- dinem sagittas conjiciebant, & se confestim ad suos recipiebant. Quibus rebus nostri, vsu docti, hæc reperiebant remedia, vt alio loco ignes fa- cerent, alio excubarent. Desunt. <N=10> <N=LI.>1 Interim certior factus P. Sylla, quem discedens castris præfecerat Cæsar, auxilio cohorti venit cum legionibus II: cujus adventu facile sunt repulsi Pompeiani. Neque vero conspectum aut impetum nostrorum tulerunt: primisque dejectis, reliqui se verterunt, & loco cesserunt. Sed insequen- <N=15>tes nostros, ne longius prosequerentur, Sylla revocavit. At plerique exi- stimant, si acrius insequi voluisset, bellum eo die potuisse finiri. Cujus consilium reprehendendum non videtur. Aliæ enim sunt legati partes atque Imperatoris. Alter [omnia] agere ad præscriptum; alter libere ad summam rerum consulere debet. Sylla a Cæsare castris relictus, liberatis <N=20>suis, hoc fuit contentus, neque prælio decertare voluit; a quæ res tamen fortasse aliquem reciperet casum; ne imperatorias sibi partes sumpsisse videretur. Pompeianis magnam res ad receptum difficultatem afferebat. Nam ex iniquo progressi loco in summo constiterant. Si per declive sese reciperent, nostros ex superiore insequentes loco verebantur. Neque mul- <N=25>tum ad solis occasum temporis supererat. Spe enim conficiendi negotii, prope in noctem rem deduxerant. Ita, necessario, atque ex tempore capto consilio, Pompeius tumulum quendam occupavit: qui tantum aberat a nostro castello, vt telum tormentumve missum adjici non posset. Hoc consedit loco, atque eum communit, omnesque ibi copias continuit. <N=LII.>Eodem tempore duobus præterea locis pugnatum est. Nam plura castella Pom- |