OCR Text |
Show <pn 023> LIBER I. <N=XXX>numerus millium c & x. Bello Helvetiorum confecto, I totius fere Galliæ legati principes civitatum ad Cæsarem gratulatum convenerunt: a intelligere sese, tametsi pro veteribus Helvetiorum injuriis populus R. ab iis pœnas bello repetisset, tamen eam rem non minus ex vsu terræ Galliæ, quam <N=5>populi R. accidisse: propterea quod eo consilio florentissimis rebus domos suas Helvetii reliquissent, vti toti Galliæ bellum inferrent, imperioque potirentur, locumque domicilio ex magna copia deligerent, quem ex omni Gallia opportunissimum ac fructuosissimum judicassent, reliquasque civi- tates 2 stipendiarias haberent. Petierunt vti sibi concilium totius Galliæ in <N=10>diem certam indicere, idque Cæsaris voluntate facere liceret. Sese habere quasdam res, quas e communi consensu ab eo petere vellent. Ea re per- missa, diem concilio constituerunt, & jurejurando ne quis enuntiaret, <N=XXXI.>nisi quibus communi consilio mandatum esset, inter se sanxerunt. Eo concilio dimisso, iidem principes civitatum qui ante fuerant, ad Cæsarem <N=15>reverterunt, petieruntque vti sibi secreto de sua omniumque salute cum eo agere liceret. Ea re impetrata, sese omnes flentes Cæsari ad pedes pro- jecerunt: b non minus se id contendere & laborare, ne ea quæ dixissent, enuntiarentur, quam vti ea quæ vellent, impetrarent: propterea quod si enuntiatum esset, summum in cruciatum se venturos viderent. Locutus <N=20>est pro his Divitiacus Æduus: Galliæ totius 3 factiones esse duas: harum alterius principatum tenere Æduos, alterius 4 Arvernos. Hi quum tanto- pere de potentatu inter se multos annos contenderent, factum esse vti ab Arvernis Sequanisque Germani mercede accerserentur. Horum primo cir- citer millia xv Rhenum transisse: posteaquam agros & cultum & 5 copias <N=25>Gallorum homines feri ac barbari adamassent, transductos plures: nunc esse in Gallia ad c & xx millium numerum. Cum his Æduos eorumque clientes semel atque iterum armis contendisse, magnam calamitatem pulsos accepisse, omnem nobilitatem, omnem Senatum, omnem equitatum amisisse. Quibus |