OCR Text |
Show <pn 346> DE BELLO CIVILI LIBER III. reliquas, quæ erant in navalibus, incendit; quod tam late tueri tam parva manu non poterat; confestimque ad 1 Pharum navibus milites exposuit. <N=CXII.>Pharus est in insula turris, magna altitudine, mirificis operibus exstructa, quæ nomen ab insula accepit. Hæc insula objecta Alexandriæ portum efficit: <N=5>sed a superioribus regionibus in longitudinem passuum DCCCC in mare ja- ctis molibus, angusto itinere & ponte cum oppido conjungitur. In hac sunt insula domicilia Ægyptiorum, & vicus, oppidi magnitudine: quæque vbi- que naves imprudentia aut tempestate paullulum suo cursu decesserint, has more prædonum diripere consueverunt. Iis autem invitis, a quibus Pharus <N=10>tenetur, non potest esse, propter angustias, navibus introitus in portum. Hoc tum veritus Cæsar, hostibus in pugna occupatis, militibusque expositis, Pharum apprehendit, atq; ibi præsidium posuit. Quibus est rebus effectum, vti tuto frumentum, auxiliaque navibus ad eum supportari possent. Dimisit enim circum omnes propinquas regiones, atque inde auxilia evocavit: reli- <N=15>quis oppidi partibus sic est pugnatum, vt æquo prælio discederetur, & neu- tri pellerentur (id efficiebant angustiæ loci): paucisque vtrimque interfectis, Cæsar loca maxime necessaria complexus, noctu præmunit: hoc tractu op- pidi pars erat regiæ exigua, in quam ipse habitandi caussa initio erat inductus, & theatrum conjunctum domui, quod arcis tenebat locum, aditusque ha- <N=20>bebat ad portum, & ad reliqua navalia. Has munitiones insequentibus auxit diebus, vt pro muro objectas haberet, neu pugnare invitus cogeretur. 2 In- terim filia minor Ptolemæi regis vacuam possessionem regni sperans, ad Achillam se ex regia transjecit, vnaque bellum administrare cœpit. Sed ce- leriter est inter eos de principatu controversia orta, quæ res apud milites lar- <N=25>gitiones auxit. Magnis enim jacturis sibi quisque eorum animos conciliabat. Hæc dum apud hostes geruntur, Pothinus, nutritius pueri & 3 procurator regni in parte Cæsaris, quum ad Achillam nuntios mitteret, 4 hortaretur- que, ne negotio desisteret, neve animo deficeret, indicatis deprehensisque internuntiis, a Cæsare est interfectus. Hæc initia belli Alexandrini fuerunt. A. |