OCR Text |
Show <pn 260> DE BELLO CIVILI quam ante dimicaverant, naves conscendunt. 1 Communi enim fit vitio naturæ, vt invisis, latitantibus atque incognitis rebus magis confidamus, vehementiusque exterreamur, vt tum accidit. Adventus enim 2 L. Nasidii summa spe & voluntate civitatem compleverat. Nacti idoneum ventum <N=5>ex portu exeunt, & 3 Tauroenta, quod est castellum Massiliensium, ad Nasidium perveniunt; ibique naves expediunt: rursusque se ad confligen- dum animo confirmant; & consilia communicant. Dextra pars Massilien- <N=V.>sibus attribuitur, sinistra Nasidio. Eodem Brutus contendit, aucto na- vium numero. Nam ad eas, quæ factæ fuerant 4 Arelate per Cæsarem, <N=10>captivæ Massiliensium accesserant VI. Has superioribus refecerat diebus, atque omnibus rebus, instruxerat. Itaque suos cohortatus, 5 quos integros superavissent, vt victos contemnerent, 6 plenus spei bonæ atque animi adversus eos proficiscitur. Facile erat ex castris C. Trebonii, atque omni- bus superioribus locis prospicere in vrbem, vt omnis juventus, quæ in op- <N=15>pido remanserat, omnesque superioris ætatis, cum liberis atque vxoribus, publicisque custodiis, aut ex muro ad cælum manus tenderent, aut tem- pla Deorum immortalium adirent, & ante simulacra projecti victoriam ab Diis exposcerent. Neque erat quisquam omnium, qui non in ejus diei casu suarum omnium fortunarum eventum consistere existimaret. Nam & <N=20>honesti ex juventute, & cujusque ætatis amplissimi, nominatim evocati atque obsecrati naves conscenderant; vt, si quid adversi accidisset, ne ad conandum quidem sibi quidquam reliqui fore viderent: si superavissent vel domesticis opibus, vel externis auxiliis de salute vrbis confiderent. <N=VI.>Commisso prælio, Massiliensibus res nulla ad virtutem defuit: sed memo- <N=25>res eorum præceptorum, quæ paullo ante ab suis acceperant, hoc animo decertabant, vt nullum aliud tempus ad conandum habituri viderentur, &, quibus in pugna vitæ periculum accideret, non ita multo se reliquo- rum civium fatum antecedere existimarent, quibus vrbe capta eadem esset belli fortuna patienda. Deductisque nostris paullatim navibus, & artificio <N=30>gubernatorum mobilitati navium locus dabatur; &, si quando nostri facultatem |