| OCR Text |
Show <pn 256> DE BELLO CIVILI cidisse igitur his, quod plerumque hominibus nimia pertinacia atque ar- rogantia accidere soleat, vti eo recurrant, & id cupidiffime petant, quod paullo ante contempserint: neque nunc se illorum humilitate, neque ali- qua temporis opportunitate postulare, quibus rebus augeantur opes suæ, <N=5>sed eos exercitus, quos contra se multos jam annos aluerint, velle dimitti: neque enim VI legiones alia de caussa missas in Hispaniam, septimamque ibi conscriptam, neque tot tantasque classes paratas 1 neque summissos duces, rei militaris peritos. Nihil horum ad pacandas Hispanias, nihil ad vsum provinciæ provisum, quæ propter diuturnitatem pacis, nullum <N=10>auxilium desiderarit. Omnia hæc jampridem contra se parari: in se novi generis imperia constitui; vt idem ad portas vrbanis præsideat rebus, & 2 duas bellicosissimas provincias absens tot annos obtineat: in se jura ma- gistratuum commutari, ne ex prætura & consulatu, vt semper, sed per paucos probati & electi in provincias mittantur: 4 in se ætatis excusatio- <N=15>nem nihil valere, quod superioribus bellis probati ad obtinendos exerci- tus evocentur: in se vno non servari, quod sit omnibus datum semper imperatoribus, vt rebus feliciter gestis aut cum honore aliquo, aut certe sine ignominia domum revertantur, exercitumque dimittant. Quæ ta- men omnia & se tulisse patienter, & esse laturum: neque nunc id agere, <N=20>vt ab illis abductum exercitum teneat ipse, quod tamen sibi difficile non sit; sed ne illi habeant, quo contra se vti possint: proinde, vt esset di- ctum, provinciis excederent, exercitumque dimitterent. Si id sit factum, nociturum se nemini. Hanc vnam atque extremam pacis esse conditio- <N=LXXXVI.>nem. Id vero militibus fuit pergratum, & jucundum, vt ex ipsa signi- <N=25>ficatione potuit cognosci; vt, qui aliquid victi incommodi exspectavissent, vltro præmium missionis ferrent. Nam quum de loco & tempore ejus rei controversia inferretur, & voce & manibus vniversi ex vallo, vbi con- stiterant, significare cœperunt, vt statim dimitterentur: neque omni in- terposita fide firmum esse posse, si in aliud tempus differretur. Paucis <N=30>quum esset in vtramque partem verbis disputatum, res huc deducitur, vt ii, qui habeant domicilium aut possessiones in Hispania, statim; reli- qui ad 5 Varum flumen dimittantur. Ne quid eis noceretur, neve quis <N=LXXXVII.>invitus 6 sacramento dicere cogeretur, a Cæsare cavetur. Cæsar, ex eo tempore, dum ad flumen Varum veniatur, se frumentum daturum, pol- licetur. |
