OCR Text |
Show <pn 312> DE BELLO CIVILI perculsos atque infirmos hostes adorti, aut prælio superatos, aut aliqua offensione permotos continuerunt, quum ipsi numero militum equitum- que præstarent. Caussa autem obsidionis hæc fere esse consuevit, vt fru- mento hostes prohibeantur. At contra integras atque incolumes copias <N=5>Cæsar inferiore militum numero continebat ; quum illi omnium rerum copia abundarent. Quotidie enim magnus vndique navium numerus con- conveniebat, quæ commeatum supportarent : neque vllus slare ventus poterat, quin aliqua ex parte secundum cursum haberet. Ipse autem, consumptis omnibus longe lateque frumentis, summis erat in angustiis. <N=10>Sed tamen hæc singulari patientia milites ferebant. 1 Recordabantur enim, eadem se superiore anno in Hispania perpessos, labore & patientia maxi- mum bellum confecise. Meminerant, ad Alesiam, magnam se inopiam perpessos, multo etiam majorem ad Avaricum, maximarum se gentium victores discessisse. Non, illis hordeum quum daretur, non legumina <N=15>recusabant : pecus vero, cujus rei summa erat ex Epiro copia, magno in <N=XLVIII.>honore habebant. 2 Est etiam genus radicis inventum ab iis, qui fue- rant 3 cum Valerio, quod appellatur Chara : quod admistum lacte mul- tum inopiam levabat. Id ad similitudinem panis efficiebant. Ejus erat magna copia. Ex hoc effectos panes, quum in colloquiis Pompeiani fa- <N=20>mem nostris objectarent, vulgo in eos jaciebant, vt spem eorum minue- <N=XLIX.>rent. Iamque frumenta maturescere incipiebant ; atque ipsa spes ino- piam sustinebat ; quod celeriter se habituros copiam confidebant. Crebro- que voces militum in vigiliis colloquiisque audiebantur, prius se cortice ex arboribus victuros, quam Pompeium e manibus dimissuros. Frequen- <N=25>ter etiam ex perfugis cognoscebant, equos eorum vix tolerari, reliqua vero jumenta interisse : vti autem ipsos valetudine non bona, quum an- gustiis loci, & odore tetro, & multitudine cadaverum, & quotidianis la- boribus ; insuetos operum, tum aquæ summa inopia [affectos :] omnia enim flumina, atque omnes rivos, qui ad mare pertinebant, Cæsar aut <N=30>averterat, aut magnis operibus obstruxerat. Atque, vt crant loca mon- tuosa, & ad specus angustiæ vallium, has sublicis in terram dimissis præ- sepserat, terramque aggesserat; vt aquam continerent. Itaque illi neces- sario loca sequi demissa, ac palustria, & puteos fodere, cogebantur : atque hunc laborem ad quotidiana opera addebant : qui tamen fontes a qui- <N=35>busdam præsidiis aberant longius, & celeriter æstibus exarescebant. At Cæsaris |