NAM diuturnitas belli pacem, labor requiem, triumphum victoriæ flagitant; non civiles quidem istæ, sed hostiles illæ, de quibus antea dixeramus. Quo modo autem triumpharet, aut qua ratione quiesceret, de quo scriptum sit, nil actum credens cum quid superesset. Pompeii Magni filii Hispanias occuparant (sequebatur autem illos non quidem patris virtus, sed hominum favor ingens, & paternum nomen) Cneius & Sextus. Sic pro vno duos sub stiuer at fortuna Pompeios. Egeratque Cneius major natu, cui plus industriæ inerat atque consilii, confugiendo in fidem & clientelam omnium Hispaniæ civitatum, precandoque, fortunam suam miserando, pa- trisque memoriam renovando, vt sibi multum jam licentiæ partum esset. Nec precibus tantum, sed vi etiam congregato exercitu inciperet provin- ciam vastare; ita vt pedetentim qui favorabiles ab initio fuerant, esse inciperent odiosi. Hunc sibi novissimum belli actum minime negligendum ratus Cæsar, eo raptim proficiscitur. Duo in hoc iter vix auditu credibilia inciderunt. Nam etiam ab vrbe Roma in Hispaniam vlteriorem immen- sum terræ spatium emensus, IV & XX die pervenit: viatori, ne dicam exer- citui, celeritas optanda. Magnum: hoc quod sequitur, majus. Horum siquidem tam paucorum spatio dierum, tam multas inter curas, Poëma scripsit, quod inscripsit Iter, quod illud scilicet in itinere edidisset. Sic Pierides armis inserere, etiam nunquam otiosus esse didicerat. Primo Cæ- saris in Hispaniam adventu civitatum motus ingens fuit, vndique legati ad eum, vndique transfugæ. I am enim Pompeiani juvenes sive in odium, sive in tædium verti cœperant; etiam vt nulla esset in eis culpa. Mos est tamen antiquus populorum semper novos dominos, novas res optare; etiam fama Cæsaris haud immerito super omnes excreverat: vt vniversi homines ejus splendore caperentur, cuperentque coram cernere, quem vsque adeo mira- bilem audiebant. In hoc principio ipso maris in ostio, vbi Oceanus terris illabitur, etiam Mediterraneum hoc pelagus nostrum parit, inter legatos invicem partium hinc Didium, illinc Varum, & ambobus cum ipsa tem- pestate