OCR Text |
Show <pn 119> LIBER VI. Divitiacus, 1 auxilii petendi caussa Romam ad Senatum profectus, infecta re redierat. Adventu Cæsaris facta commutatione rerum, obsidibus Æduis redditis, veteribus clientelis restitutis, novis per Cæsarem comparatis, quod ii qui se ad eorum amicitiam aggregaverant, meliore conditione atque im- <N=5>perio æquiore se vti videbant: reliquis rebus eorum gratia dignitateque amplificata, Sequani principatum dimiserant. 2 In eorum locum Rhemi successerant: quos quod adæuare apud Cæsarem gratia intelligebatur, ii qui propter veteres inimicitias nullo modo cum Æduis conjungi poterant, se Rhemis in clientelam dicabant. Hos illi diligenter tuebantur. Ita & <N=10>novam & repente collectam auctoritatem tenebant. Eo tum statu res erat, vt longe principes haberentur Ædui, secundum locum dignitatis Rhemi <N=XII.>obtinerent. In omni Gallia eorum hominum, 3 qui aliquo sunt numero atque honore, genera sunt duo. 4 Nam plebs pene servorum habetur loco, quæ per se nihil audet, & nulli adhibetur consilio. 5 Plerique quum aut <N=15>ære alieno, aut magnitudine tributorum, aut injuria potentiorum pre- muntur, sese in servitutem dicant nobilibus. In hos eadem omnia sunt jura quæ dominis in servos. Sed de his duobus generibus 6 alterum est Druidum, |