OCR Text |
Show <pn 153> LIBER VII. derent, omnemque Galliæ salutem in illo vestigio temporis positam arbi- trarentur: accidit inspectantibus nobis, quod, dignum memoria visum, prætermittendum non existimavimus. Quidam ante portam oppidi Gallus qui per manus sevi ac picis transditas glebas in ignem e regione turris pro- <N=5>jiciebat, 1 scorpione ab latere dextro transjectus exanimatusque concidit: hunc ex proximis vnus jacentem transgressus, eodem illo munere funge- batur: eadem ratione ictu scorpionis exanimato altero, successit tertius, & tertio quartus: 2 nec ille prius est a propugnatoribus vacuus relictus locus, quam 3 restincto aggere, atque omni parte submotis hostibus, finis <N=XXVI.>est pugnandi factus. Omnia experti Galli, quod res nulla successerat, postero die consilium ceperunt ex oppido profugere, hortante & jubente Vercingetorige. 4 Id silentio noctis conati, non magna jactura suorum sese effecturos sperabant, propterea quod neque longe ab oppido castra Vercingetorigis aberant: & palus, quæ perpetua intercedebat, Romanos <N=15>ad insequendum tardabat. Iamque hoc facere noctu apparabant, quum matresfamilias repente in publicum procurrerunt, flentesque projectæ ad pedes suorum, 5 omnibus precibus petierunt, ne se & communes liberos hostibus ad supplicium dederent, quos ad capiendam fugam natura & virium infirmitas impediret. Vbi eos perstare in sententia viderunt, quod <N=20>plerumque in summo periculo timor misericordiam non recipit, concla- mare, & significare de fuga Romanis cœperunt: quo timore perterriti Galli, ne ab equitatu Romanorum viæ præoccuparentur, consilio destite- <N=XXVII.>runt. Postero die Cæsar promota turri, directisque operibus quæ facere instituerat, magno coorto imbri, non inutilem hanc ad capiendum con- <N=25>silium tempestatem arbitratus est, quod paullo incautius custodias in muro dispositas videbat, suosque languidius in opere versari jussit, & quid fieri vellet, ostendit. Legiones intra vineas in occulto expeditas cohortatus, vt aliquando pro tantis laboribus fructum victoriæ perciperent, 6 iis qui primi |