OCR Text |
Show <pn 317> LIBER III. moti vniversi Cæsarem adierunt, palamque de eorum injuriis sunt questi; & ad cætera addiderunt, 1 falsum ab his equitum numerum deferri, quo- <N=LX.>rum stipendium averterent. Cæsar neque tempus illud animadversionis esse existimans; & multa virtuti eorum concedens, rem distulit totam; <N=5>illos secreto castigavit, quod quæstui equites haberent: monuitque vt ex sua amicitia omnia exspectarent, & ex præteritis suis officiis [reliqua spe- rarent.] Magnam tamen hæc res illis offensionem, & contemptionem ad omnes attulit. Idque ita esse, quum ex aliorum objectationibus, tum etiam ex domestico judicio atque animi conscientia intelligebant. Quo pudore <N=10>adducti, & fortasse se non liberari, sed in aliud tempus reservari arbitrati, discedere a nobis, & novam tentare fortunam, novasque experiri ami- citias constituerunt: & cum paucis collocuti clientibus suis, quibus tan- tum facinus committere audebant, primum conati sunt præfectum equi- tum C. Volusenum interficere, vt postea, bello confecto, cognitum est; <N=15>vt cum munere aliquo perfugisse ad Pompeium viderentur. Postquam id difficilius visum est, neque facultas persiciendi dabatur, quam maximas potuerunt pecunias mutuati, perinde ac satisfacere, & fraudata restituere vellent, multis coëptis equis, ad Pompeium transierunt cum iis quos <N=LXI.>sui consilii participes habebant. Quos Pompeius, quod erant honesto <N=20>loco nati, & 2 instructi liberaliter, magnoque comitatu & multis jumentis venerant, virique fortes habebantur, & in honore apud Cæsarem fue- rant, quodque novum & præter consuetudinem acciderat, omnia sua præsidia circumduxit, atque ostentavit. Nam ante id tempus nemo aut miles aut eques a Cæsare ad Pompeium transierat; quum pene quotidie <N=25>a Pompeio ad Cæsarem persugerent, vulgo vero in Epiro atque Ætolia conscripti milites, earumque regionum omnium, quæ a Cæsare teneban- tur. Sed hi, cognitis omnibus rebus, seu quid in munitionibus perfectum non erat, seu quid a peritioribus rei militaris desiderari videbatur, tem- poribusque rerum, & spatiis locorum, & custodiarum varia diligentia <N=30>animadversa, prout cujusque eorum, qui negotiis præerant, aut natura <N=LXII.>aut studium ferebat, hæc ad Pompeium omnia detulerunt. Quibus ille cognitis, eruptionisque jam ante capto consilio, vt demonstratum est, tegmenta galeis milites ex viminibus facere, atque aggerem comportare jubet. His paratis rebus, magnum numerum levis armaturæ & sagitta- <N=35>riorum, aggeremque omnem noctu in scaphas, & naves actuarias impo- nit; & de media nocte cohortes LX ex maximis castris præsidiisque de- ductas, ad eam partem munitionum ducit, quæ pertinebant ad mare, longissimeque a maximis castris Cæsaris aberant. Eodem naves, quas de- monstravimus aggere & levis armaturæ militibus completas, quasque ad Dyrrha- |