| OCR Text |
Show <pn 104> DE BELLO GALLICO impetuque in nostros facto, ordines perturbant. Ibi L. Cotta pugnans interficitur cum maxima parte militum: reliqui se in castra recipiunt, vnde erant egressi: ex quibus L. Petrosidius 1 aquilifer, quum magna mul- titudine hostium premeretur, aquilam intra vallum projecit, ipse pro castris <N=5>fortissime pugnans occiditur. Alii ægre ad noctem oppugnationem susti- nent: noctu ad vnum omnes, desperata salute, se ipsi interficiunt. Pauci ex prælio elapsi, incertis itineribus per silvas ad T. Labienum legatum in <N=XXXVII.>hiberna perveniunt, atque eum de rebus gestis certiorem faciunt. Hac victoria sublatus Ambiorix, statim cum equitatu in Atuaticos, qui erant <N=10>ejus regno finitimi, proficiscitur: neque diem neque noctem intermittit, peditatumque se subsequi jubet. Re demonstrata, Atuaticisque concitatis, postero die in Nervios pervenit, hortaturque ne sui in perpetuum liberandi, atque vlciscendi Romanos pro iis quas acceperint injuriis, occasionem di- mittan: interfectos esse legatos duos, magnamque partem exercitus in- <N=15>teriisse demonstrat: nihil esse negotii, subito oppressam legionem, quæ cum <N=XXXVIII.>Cicerone hiemet, interfici: se ad eam rem profitetur adjutorem. Facile hac oratione Nerviis persuadet. Itaque confestim dimissis nuntiis ad 2 Cen- trones, Grudios, Levacos, Pleumosios, Gordunos, qui omnes sub eorum imperio sunt, quam maximas manus possunt, cogunt: & de improviso ad <N=20>Ciceronis hiberna advolant, nondum ad eum fama de Titurii morte per- lata. Huic quoque accidit, quod fuit necesse, vt nonnulli milites, qui lignationis munitionisque caussa in silvas discessissent, repentino equitum adventu interciperentur. His circumventis, magna manu Eburones, Atua- tici, Nervii, atque horum omnium socii & clientes legionem oppugnare <N=25>incipiunt. Nostri celeriter ad arma concurrunt, vallum conscendunt. a Ægre is dies sustentatur, quod omnem spem hostes in celeritate ponebant, atque hanc adepti victoriam in perpetuum se fore victores confidebant. <N=XXXIX.>Mittuntur ad Cæsarem confestim a Cicerone litteræ, magnis propositis præ miis, si pertulissent. Obsessis omnibus viis, missi intercipiuntur. Noctu ex <N=30>ea materia, quam munitionis caussa comportaverant, turres CXX excitan- tur incredibili celeritate. Quæ deesse operi videbantur, perficiuntur. Ho- stes postero die multo majoribus copiis coactis castra oppugnant, fossam complent. A nostris eadem ratione, qua pridie, resistitur: hoc idem dein- ceps reliquis fit diebus. Nulla pars nocturni temporis ad laborem intermit- <N=35>titur: non ægris, non vulneratis facultas quietis datur: quæcumque ad proximi |
