OCR Text |
Show <pn 006> DE BELLO GALLICO vt de finibus suis cum omnibus copiis exirent: perfacile esse, quum virtute omnibus præstarent, totius Galliæ imperio potiri. id hòc facilius eis persuasit, quod undique loci natura Helvetii continentur; vna ex parte, flumine Rheno latissimo atque altissimo, qui agrum Helvetium a Ger- manis dividit; altera ex parte, monte 1 Iura altissimo, qui est inter 2 Sequanos & Helvetios; tertia, lacu 3 Lemano, & flumine Rhodano, qui provinciam nostram ab Helvetiis dividit. his rebus fiebat, vt & mi- nus late vagarentur, & minus facile finitimis bellum inferre possent. qua de caussa homines bellandi cupidi magno dolore afficiebantur. pro mul- titudine autem hominum, & pro gloria belli atque fortitudinis, angu- stos se fines habere arbitrabantur: qui 4 in longitudine millia passuum CCXL, in latitudinem CLXXX patebant. His rebus adducti, & au- ctoritate Orgetorigis permoti, constituerunt ea, quæ ad proficiscendum pertinerent, comparare, jumentorum, & carrorum quammaximum numerum coëmere, sementes quammaximas facere, ut in itinere copia frumenti suppeteret, cum proximis civitatibus pacem & amicitiam con- firmare. ad eas res conficiendas biennium sibi satis esse duxerunt; in tertium annum profectionem lege confirmant. ad eas res conficiendas Orgetorix |