OCR Text |
Show <pn 188> DE BELLO GALLICO piter fugerunt; nec prius finem fugæ fecerunt, sæpe amissis superioribus locis, quam se aut in castra suorum reciperent, aut nonnulli pavore coacti longius profugerent. Quorum periculo sic omnes copiæ sunt perturbatæ, vt vix judicari posset, vtrum secundis nimiisque rebus insolentiores, an <N=XIV.>adversis mediocribusque timidiores essent. Complurimis diebus iisdem in castris consumptis, quum propius accessisse legiones, & C. Trebonium legatum, cognovissent; duces Bellovacorum veriti similem obsessionem Alesiæ, noctu dimittunt eos, quos aut ætate aut viribus inferiores, aut inermes habebant, vnaque reliqua impedimenta: quorum perturbatum <N=10>& confusum dum explicant agmen (1 magna enim multitudo carrorum etiam expeditos sequi Gallos consuevit), oppressi luce copias armatorum pro suis instruunt castris; ne prius Romani persequi se inciperent, quam longius agmen impedimentorum suorum processisset. At Cæsar neque re- sistentes tanto collis adscensu lacessendos judicabat; neque non vsque eo <N=15>legiones admovendas, vt discedere ex eo loco sine periculo barbari mili- tibus instantibus non possent: ita quum paludem impeditam a castris castra dividere, quæ transeundi difficultas celeritatem insequendi tardare posset; atque id jugum, quod trans paludem pene ad hostium castra pertineret, mediocri valle a castris eorum intercisum animadverteret; pon- <N=20>tibus palude constrata, legiones transducit, celeriterque in summam pla- nitiem jugi pervenit; quæ declivi fastigio duobus ab lateribus munieba- tur. Ibi legionibus instructis ad vltimum jugum pervenit: aciemque eo loco constituit, vnde tormento missa tela in hostium cuneos conjici pos- <N=XV.>sent. Barbari confisi loci natura, quum dimicare non recusarent, si <N=25>forte Romani subire collem conarentur, paullatimque copias distributas dimittere non auderent, ne dispersi perturbarentur, in acie permanserunt. Quorum pertinacia cognita, Cæsar XX cohortibus instructis, castrisque eo loco a metatis, muniri jubet castra; absolutis operibus, legiones pro vallo instructas collocat: equites frenatis equis in stationibus disponit. Bello- <N=30>vaci, quum Romanos ad insequendum paratos viderent, neque perno- ctare, neque diutius permanere sine cibariis eodem loco possent, tale con- silium sui recipiendi inierunt: Fasces, vbi consederant (2 nam, in acie sedere Gallos consuesse, superioribus commentariis declaratum est), stramentorum ac virgultorum, quorum summa erat in castris copia, per manus |