| OCR Text |
LIBER III. nomen apud suos auctoritatem habere existimans, 1 & vt potius privato paucorum & latronum consilio quam regio susceptum bellum videretur. Erant cum Achilla copiæ, vt neque numero, neque genere hominum, neque vsu rei militaris contemnendæ viderentur. Millia enim XX in armis habebat. Hæ constabant ex Gabinianis militibus: qui jam in consuetudi- nem Alexandrinæ vitæ atque licentiæ venerant, & nomen disciplinamque P. R. dedidicerant, 2 vxoresque duxerant, ex quibus plerique liberos ha- bebant. Huc accedebant collecti ex prædonibus latronibusque Syriæ, Cili- ciæq; provinciæ, finitimarumque regionum. Multi præterea, capitis dam- nati, exulesque convenerant: fugitivisque omnibus nostris certus erat Ale- xandriæ receptus, certaque vitæ conditio, vt dato nomine, militum essent numero: quorum si quis a domino comprehenderetur, concursu militum eripiebatur, qui vim suorum, quod in simili culpa versabantur, ipsi pro suo periculo defendebant. Hi regum amicos ad mortem deposcere; hi bona lo- cupletum diripere stipendii augendi caussa, regis domum obsidere, regno expellere alios, alios accersere, vetere quodam Alexandrini exercitus insti- tuto consueverant. Erant præterea equitum millia II, qui inveteraverant compluribus Alexandriæ bellis. Hi Ptolemæum patrem in regnum reduxe- rant, 3 Bibuli filios duos interfecerant, bella cum Ægyptiis gesserant. Hunc vsum rei militaris habebant. His copiis fidens Achillas, paucitatemque militum Cæsaris despiciens, occupat Alexandriam: præterea oppidi partem, quam Cæsar cum militibus tenebat. Primo impetu domum ejus irrumpere conatus est. Sed Cæsar dispositis per vias cohortibus impetum ejus sustinuit. Eodemque tempore pugnatum est ad portum: a ac longe maximam ea res attulit dimicationem. Simul enim, diductis copiis, pluribus viis pugnaba- tur: & magna multitudine naves longas occupare hostes conabantur: qua- rum erant auxilio L missæ ad Pompeium: quæ, prælio in Thessalia facto, domum redierant. Illæ triremes omnes & quinqueremes erant, aptæ instru- ctæque omnibus rebus ad navigandum. Præter has, XXII erant, quæ præsi- dii caussa Alexandriæ esse consueverant, constratæ omnes. Quas si occupas- sent, classe Cæsari erepta, portum ac mare totum in sua potestate haberent: commeatu auxiliisque Cæsarem prohiberent. Itaque tanta est contentione actum, quanta agi debuit, quum ille celerem in ea re victoriam, hi salutem suam consistere viderent. Sed rem obtinuit Cæsar; omnesque eas naves, & reli- |
