| OCR Text |
DE BELLO ALEXANDRINO LIBER. bant, populum Romanum paullatim in consuetudinem ejus regni venire occupandi: 1 paucis annis antea Gabinium cum exercitu fuisse in Ægypto: Pompeium se ex fuga eodem recepisse; ac Cæsarem venisse cum copiis: neque morte Pompeii quidquam profectum, quo minus Cæsar apud se commoraretur: quem si non expulissent, 2 futuram ex regno provinciam: idque agendum mature. Namque eum, interclusum tempestatibus 3 pro- pter anni tempus recipere transmarina auxilia non posse. Interim, dis- sensione orta inter Achillam, qui veterano exercitui præerat, & Arsinoen regis Ptolemæi minorem filiam, vt supra demonstratum est, cum vterque vtrique insidiaretur, & summam imperii ipse obtinere vellet; præoccupat Arsinoe per Ganymedem eunuchum nutritium suum, atque Achillam intersicit. Hoc occiso ipsa sine vllo socio & custode omne imperium obti- nebat. Exercitus Ganymedi transditur. Is suscepto officio largitionem in milites auget, reliqua pari diligentia administrat. Alexandria est fere tota suffossa, specusque habet ad 4 Nilum pertinentes, quibus aqua in pri- vatas domos inducitur, quæ paullatim spatio temporis liquescit ac subsidit. Hac vti domini ædificiorum atque eorum familia consueverunt. Nam quæ flumine Nilo fertur, adeo est limosa atque turbida, vt multos variosque morbos efficiat. 5 Sed ea plebes ac multitudo contenta est necessario, quod fons vrbe tota nullus est. Hoc tamen flumen in ea parte vrbis erat, quæ ab Alexandrinis tenebatur. Quo facto est admonitus Ganymedes posse nostros aqua intercludi; qui distributi munitionum tuendarum caussa vicatim ex privatis ædificiis, specubus & puteis extracta aqua vtebantur. Hoc probato consilio, magnum ac difficile opus aggreditur. a Interseptis enim specubus, atque omnibus vrbis partibus exclusis, quæ ab ipso tene- bantur, aquæ magnam vim ex mari rotis ac machinationibus exprimere contendit. Hanc locis superioribus fundere in partem Cæsaris non inter- mittebat. |
